हे रौ हंसुआ धान काट (मैथिली गीत)
हे रौ हंसुआ धान काट
(मैथिली गीत)
हे रौ हसुआ धान काट
बोझ बान्हब आ घर जैब
देखही नेना सुतल अछि
आरि पर पेटकुनिञा पारि
हे रौ हंसुआ धान काट .. धान काट धान काट
फोकरै नेना सांझ परात
नहिं छै रोटी आने भात
छलै कमौआ सेहो गेलै
रहि ने गेलै कोनों आश
हे रौ हंसुआ धान काट धान काट धान काट
बोइन लेबै आ घर जेबै
झारि कुटि हम भात बनैबै
नेना खुआक' हमहूं खायब
फेर सं धान काट' आयब
हे रौ हंसुआ धान काट धान काट धान काट
भातो रन्हबै माछो रन्हबै
रन्हबै तीमन ओ तरुआ रे
बाबू हेतै पांच हाथ के
तू किरपा करिहैं बिधना रे
हे रौ हंसुआ धान काट धान काट धान काट
प्रमोद कुमार
पांडिचेरी,14-12-2019
Comments
Post a Comment