चल रे चिड़ैया चल ने (मैथिली कविता)

चल  रे चिड़ैया  चल ने  अप्पन  देश  फेर सं

               अपने पांइखे  उड़ि लेबै आ दाना चुगबै खेत सं 

खत्ते खधिये पाइन पियब  आ गाछ बृक्ष तर सूतब रे

   घाम पसेना बहतै बहौक  उड़ैत  पांइख नहिं रोकवै रे !

जोतला  खेत  मे  बैसब  जा  क' बुन्नी के बजेवै रे

      झखरल पीपर डारि पर जा क' खोंता फेर सं बुनवै रे ! 

अनके  खोंता बुनलौं  सबदिन  अप्पन  हार के तोरि क'

      आइ जे बिपदा आयल अछि त' हांकि देलक सब जोर सं !

अ आ  इ  ई पढ़बै बाबू  नहिं  पढ़ी  हम ए बी सी

    खुद्दी मेरखी खा क' जी लेब पुआ पोलाव के छोरि क' !

गाम गाम के पीपर  पाकैर  बैसवै  जा क' उड़ि उड़ि रे

  कौआ मेना सं गप्प लड़ेबै   मिल क' भिरबै चिल्होरि सं !

डॉ प्रमोद कुमार

पांडिचेरी,30-05-2020