प्रयास ( मैथिली कविता)

प्रयास 

कैलन्हि प्रयत्न  सावित्री  महान 

लय अनली वापस पतिक प्राण 

ओहने  प्रयत्न भगिरथ  कैलाह 

गंगा  के  लय  भू  पर  अनलाह 

करि   प्रयत्न  मेंहदी  जे  पीसय 

लाल   रंग  सं  ललना  के  रंगय 

आखर  आखर  पढ़ि  क’ मानव 

बनि   विद्वान    नाम    कमावय 

एक   एक   खढ़  चुनि  चुनि  क'

चिड़ि   अपन   खोंता   के  बूनैछ

करि    प्रयत्न   नित्य    प्रति  ओ 

छोट  सुखी  दुनियां  अछि  गढ़ैत 

चीर    पहाड़क    छाती    मानव 

लैत   अछि   निक   रस्ता  बनाय 

दृढ़   प्रतिज्ञ   प्रयास   जे   करथि 

लथि   मरूभूमि   मे  घास  उगाय 

प्रमोद कुमार उर्फ नेहरू लाल दास

 पांडिचेरी 14-09-2019