आब धान रोपेतै (मैथिली गीत)
आब धान रोपेतै (गीत)
कदवा करै छै किसान यौ
आव धान रोपेतै
हँट! ह’ क' क’ बड़द हंकैछै
ठेहुन के छुलकै थाल यौ
आव धान रोपेतै!
कदवा करै छै किसान यौ आव धान रोपेतै।
कनिञां ओकर बीहनि उपारै
सुन्दर सुमधुर गीत छै गबैत
आशा के उगलै चान यौ
आव धान रोपेतै!
कदवा करै छै......... ।
छप छप रोपतै धानक बीहनि
धानी धरा त’ लगतै सुहागिन
रिमझिम रिमझिम पाइन बरसतै
नहु नहु बहतै बयार यौ
आव धान रोपेतै!
कदवा करै छै......... ।
आसिन बित क’ कातिक अओतै
शिशो निकलि क’ रंग बदलतै
भरि जेतै खेत खरिहान यौ
आव धान रोपेतै!
कदवा करै छै........ ।
प्रमोद कुमार उर्फ नेहरू लाल दास
पांडिचेरी 03-08-2019
Comments
Post a Comment