हे रौ मनमा गाम चल (मैथिली गीत)
हे रौ मनमा गाम चल
(मैथिली गीत)
हे रौ मनमा गाम चल ,गाम चल गाम चल
मरुवा रोटी खाक’ तू पाइन पीबिहें कल पर
हे रौ मनमा गाम चल गाम चल गाम चल।
नहिं निक लागै पांच सितारा, कोठा सोफा,मोटर कार
एसी कूलर छोड़ि छाड़ि क’ खोपरी बन्हिंयैं गाछ तर
हे रौ मनमा गाम चल गाम चल गाम चल ।
कचरी मुरही झिल्ली कच' अल्हुआ सुथनी और केसौर
हाट बजार जा अनवै मनमा, कचैर कचैर खैब गाछ तर
हे रौ मनमा गाम चल गाम चल गाम चल।
शहर मे सभ त चुप्पे चाप ,नहिं निकलत नहिं करतौ बात
दिन भरि हम त' वक वक करब ,राइत क सूतब चुप्पे चाप
हे रौ मनमा गाम चल, गाम चल गाम चल।
प्रमोद कुमार उर्फ नेहरू लाल दास
पांडिचेरी, 04-04-2019.
Comments
Post a Comment